1500-dən çox heyvanda brusellyoz xəstəliyi aşkarlanıb

Bu ilin yeddi ayı ərzində Azərbaycanda 1223 baş iribuynuzlu, 429 baş xırdabuynuzlu heyvanda brusellyoz xəstəliyi aşkar edilib.

Kənd Təsərrüfatı Nazirliyi yanında Dövlət Baytarlıq Xidmətindən APA-ya verilən məlumata görə, həssas heyvanlar arasında brusellyoz xəstəliyini aşkar etmək, xəstəliyin yayılmasının qarşısını almaq məqsədilə bu il 949943 baş iribuynuzlu, 147919 baş xırdabuynuzlu heyvanlardan qan nümunəsi alınıb və baytarlıq laboratoriyalarında seroloji müayinə aparılıb. Məlumatda bildirilir ki, müayinələr nəticəsində 1223 baş iribuynuzlu, 429 baş xırdabuynuzlu heyvanın xəstə olduğu aşkarlanıb. 

Xəstə heyvanlar brusellyozun təlimatına uyğun zərərsizləşdirilərək təsərrüfatlardan çıxarılıb. 

168.az

Çox oxunan xəbərlər

168.az sosial şəbəkələrdə