«McDonald’s»da böhran başlayıb

Amerikanın məşhur fast-fud şirkəti «McDonald’s» iyul ayında satış həcminin artmadığını açıqlayıb.

«APA-ECONOMICS»in «Bloomberg»ə istənadən məlumatına görə, iyul ayı şirkətin son 9 il ərzində ən uğursuz ayı kimi tarixə düşüb. Bunun səbəbi isə dünya maliyyə böhranı ilə yanaşı, həm də istehlakçı əhval-ruhiyyəsinin dəyişməsidir – insanlar getdikcə lazımsız xərclərdən imtina edirlər. 

İyul ayında şəbəkənin 33 mindən artıq restoranında satışlar əvvəlki səviyyədə qalıb, üstəlik bəzi ölkələrdə azalma baş verib. Belə ki, ABŞ-da «McDonald’s»ın satışları 0,1%, Avropada 0,6% azalıb. Halbuki analitiklər satışın ABŞ-da 2,2%, bütün dünyada isə 2,3% artacağını bildirirdilər. Nəticədə, şirkətin səhmləri 2%-ə yaxın ucuzlaşıb. 

168.az

Çox oxunan xəbərlər

168.az sosial şəbəkələrdə